Ein forstår at gode murar er viktig…

…når ein skal klargjere tomter i slike bratte bakkar!

Dette biletet er teke i eit av dei nye bustadfelta i Volda kommune. Bakkane er bratte, noko som stiller særlege krev til murane. 

 

Dette er ein typisk “tørrmur”, som sikrar tomta i front. Det er også for å få huset opp i høgd. Når ein byggjer i bratte bakkar er slike murar nødvendige for å kunne utnytte terrenget. Muren er også ein del av huset si fasade, og eg meiner det er viktig å gjere seg flid slik at den tek seg godt og kan vere med på å komplimentere huset.

På grunn av slike murar kan det som før var ein bratt bakke, verte ei byggjeklar tomt!

Luftig oppdrag i svimlande høgder!

Nokre oppdrag er meir krevjande enn andre. Vegen er lang frå grøftegraving 10 meter over havet  til graving av hòl til høgspentmaster fleire hundre meter over havet! Det er dette som gjer jobben min så spennande; stadig nye utfordringar og nye stadar å sjå! Det er sunt med variasjon og artig å prøve noko nytt!

Tussa Kraft skal skifte ut høgspentstolpar og treng gravemaskin både til graving av nye hòler og til å reise stolpane. Stolpane er 17 meter høge og ein må vere stø på handa for å manøvrere dei i rett posisjon.

Linjearbeidarane sørger for at alt går rett føre seg.

Ein av dei viktigaste grunnane til at stolpane må skiftast ut, er at hakkespetten øydelegg stolpane. Bileta viser at dei hakker seg rett gjennom stolpen, noko spettet illustrerer. Dei hakker seg også opp og ned stolpane innvendig, noko som gjer at stolpane fort rotnar opp og kan knekke.

 

Til høgre i biletet kan ein så vidt skimte Bjørke kraftstasjon og busetnad. Fjellet i framgrunnen heiter Kamben og vegen for å kome seg rundt fjellet, frå Bjørke til Leira, har vore spesielt utsett for ras og steinsprang. Om ei veke er det opning av Leiratunnelen, som med sine 1953 meter vil gi rassikker veg mellom bygdene Bjørke og Leira/Viddal.

Bjørke kraftstasjon. Kjempejettegryta, som ein kan skimte rett til høgre for kraftstasjonen, vart avdekt midt i senterlina for tunnelpåhogget for Leiratunnelen. Lengst til høgre i biletet ser ein tunnelopninga på Bjørke.

Jettegryta er unik, ikkje berre i nasjonal, men også i internasjonal samanheng. 

Det er ikkje alle som har så spektakulær utsikt frå arbeidsplassen sin!

Her er ein ny travers montert.

Gå gjerne innom Tussa AS sine heimesider for å lese meir om prosjektet!

(Noko av teksten om Jettegryta og Leiratunnelen er henta frå Møre og Romsdal fylkeskommune si brosjyre om Leiratunnelen)

Frå grønkledd skråning til stashage.

Tidleg i sommar fekk eg førespurnad frå ein huseigar som ynskte seg ein litt meir spennande hage. Vi vart samde om at natursteinsmurar i ulike nivå ville vere eit godt utgangspunkt, noko som også ville gjere hagen lettstelt. Hagen og murane tok form etterkvart som arbeidet skreid fram, og huseigarane gav meg frie tøylar.

 

Natursteinsmurar vert stadig meir populært i hagar. Steinen vert eit spennande innslag i hagen, og kan gjere enkle og mindre fine hagar til prakthagar.

Vinteren er ei fin tid til å planlegge hage – ta gjerne kontakt for ei uforpliktande samtale om du treng hjelp til å sjå moglegheiter i hagen din!

Meir frå Morkagylet

Sikringsarbeidet i Morkagylet, Ørsta, går sin gang.

Eg har no fått laga mur opp til brufundamenta.

Dette biletet er teke under brua.

I innlegget under kan du sjå korleis det såg ut i Morkagylet då vi starta arbeidet i september.

Prosjektet i Morkagylet skrid fram.

Etter nokre vekers hardt arbeid, ser ein tydelege spor etter flaumsikringa i Morkagylet.

FØR:

Slik såg det ut i elva då eg tok til på arbeidet. Det skal sterke krefter til for å hanskast med slike kampesteinar! Steinen vart likevel for stor for maskina mi, så eg måtte ta i bruk pigghammar og dele den i mindre steinar. Desse steinane vart såpass bra at eg kunne bruke dei i muren.

ETTER:

Arbeidet er godt i gong,  men no vert det stopp i Morkagylet ein periode. Statens vegvesen skal utforme ein kulvert under sjølve brua, og medan dei held på med det skal eg setje i gong lenger oppe i elva.

Det er viktig at elva får fylgje sitt opprinnelege elveløp. Den nyinnkjøpte maskina fungerer forøvrig svært godt i elva. Denne typen maskiner har smal maskinbreidde og svingar seg innanfor belta, slik at eg lett kan snu meg rundt i elva.

Maskinparken er utvida.

Tidlegare i august var eg i Tønsberg og kjøpte ny maskin.

Eg har kjøpt ei Komatsu PC138. Skodje tungtransport tok på seg jobben med å frakte maskina til Ørsta.

Den yngste “tilsette” i Aarskog maskin tok med seg ein kompis og tok maskina i augesyn. Eg trur poden var godt nøgd med handelen!

Her er maskina på veg opp til fotballbana, der eg held på med grunnarbeidet til ein ballbinge.

No er maskina stasjonert i Morkagylet, der eg held på med eit prosjekt for NVE. Bileter frå det prosjektet vert lagt ut på bloggen seinare.

Traktor på tur

Av og til er ein heldig og får oppdrag andre stadar enn i nærmiljøet. I dag flytta eg traktor og gravemaskin til Urke for å gjere nokre oppdrag.

Maskin og traktor er klare til avreise.

Det er viktig å ha med seg arbeidshjelp! Denne karen storkosa seg på tur i dag.

Maskin og dreng gjer seg klare til avreise frå Sæbø.

Turen til Urke startar på fergekaia på Sæbø. Der tek vi ferje til Leknes, og køyrer nokre kilometer før vi kjem til Urke. Få stadar er vakrare enn Hjørundfjorden, og i dag viste naturen seg frå si flottaste side!

Flaumsikring av elv

Ingenting er viktigare enn at elvane som omgir oss er flaumsikre. Diverre er det ikkje alltid slik, og då er det viktig å rydde elvane i etterkant og flaumsikre dei. Eg har hatt diverse oppdrag på vegne av NVE, og både eg og oppdragsgivar har vore opptekne av det estetiske, like mykje som at det skal verte trygt for husstandane nær elva.

Desse bileta er frå Skytjeåa, ei elv i Ørsta. Den renn gjennom eit bebygt område med bustadar tett inntil elva.

Elva skal i størst mogleg grad fylgje sitt naturlege elveløp.

Her nærmar elva seg Ørsta sentrum. Grunneigarane nærast elva har fått opparbeidd hagane som har vore ramma av flaumelva.

Muren på motsett side av elva er bein og jamn, det gir eit fint inntrykk.

Det har vore utfordrande arbeid, då elva er smal og maskina har stått i elva det meste av tida. Nokre stadar har det vore umogleg å kome til frå elvebreidda.

Elva tek ein krapp sving.

Det kan sjå ut til at eg har gløymt ein stor stein midt i elva, men dette er eit såkalla fiskehus.

Slik ser fiskehuset ut frå nært hald. Under steinen er der ei hole, slik at kredene kan ha ein stad å gøyme seg.

Elva buktar seg vidare mot Ørsta sentrum.

Mur, privat kunde.

Når ein kjøper bustadar av eldre årgang, opplever ein ofte å måtte gjere store utbetringar for å få løysingar som fungerer godt nok. Dette er bileter frå ein privat bustad i Ørsta, som ynskte utbetra tilkomst til huset sitt.

Før. Rør for vatn og kloakk måtte gravast ned før sjølve utbetringa av vegen tok til.

 

Etter. Vegen har vorte mykje breiare og fått ein solid støttemur.

Ein stabbestein vart sett opp for å marker starten på muren. Lokalkjende vil sjå at den liknar Liadalsnipa!

Før. Det var smalt bak huset, og huseigar ynskte utviding for å komme seg bort til fjøsen med både bil og traktor.

Etter.

Før. Slik såg det ut bak huset før eg tok til å grave.

Etter.

Før. Denne vesle platten skulle verte hovudtilkomst til huset.

Etter.

 

Ein fagmann er ikkje nøgd med arbeidet før muren er heilt bein! Det ligg mykje presisjonsarbeid bak ei så rett linje!

 

Det estetiske må også ivaretakast!

Stein for stein veks ein mur fram, med rett halling og kurve.

Før. Huseigarane ynskte at området innom huset skulle utvidast så det kunne nyttast både til snuareal for bil, og til rekreasjon.

 

Etter. Her har dei fått maksimal utnytting av arealet.